Deklarasyon Kad Lyezon Entè-òganizasyon (CLIO) sou kriz imanitè an Ayiti Pòtoprens, 19 mas 2024

Depi yon pakèt lane, pèp ayisyen  ap viv nan laperèz, chak jou pi plis yap pèdi dwa yo ak kondisyon pou yo viv. Enstabilite sosyo-politik ki la depi lontan, met sou sa kriz sekirite ki genyen kounyea, lakoz depèdisyon tout pouvwa piblik yo epi retire tout dwa pou moun viv kòmsadwa. Kriz sa a lage popilasyon an nan yon ensekirite jeneral ki pote kidnapin, asasina ak vyolans seksyèl ki baze sou jan. Daprè Nasyonzini, gen plis pase 5,5 milyon Ayisyen ki nan gwo bezwen èd imanitè (èd pou moun) ak pwoteksyon. Ladan yo 4,35 milyon pa ka jwenn manje ditou. CLIO pataje solidarite l san fay ak pèp ayisyen an, epi fè konnen jan li gen gwo kè sote parapò ak zak vyolans yo k ap ogmante pi plis depi 29 fevriye 2024 la.

Clio temwen monte vag vyolans lan yon lòt fwa ankò ki lage popilasyon an nan gwo latwoublay espesyalman kominitote kriz sekirite sa yo plis frape nan Pòtoprens ak zòn sou kote li yo. Plis pase 15,000 moun, majorite te deja ap viv nan kan ki pa te fèt pou sa ditou, te oblije kite abri sa yo. Vyolans lan anpeche plizyè santèn lekòl fonksyone, epi lakoz lopital nan kapital yo oblije fèmen pòt yo oubyen diminye sou sèvis ijan yo paske pa gen ase pèsonèl ak materyèl. Òganizasyon Entènasyonal pou Migrasyon (OIM) estime gen 362 000 kantite moun ki deplase andedan peyi a, gen 180 000 timoun ladan yo.

Plis pase 150 000 moun ki deplase yo se fanm yo fòse abandone kay yo pou  al viv nan kondisyon difisil anpil. Kè nou ap dechire lè nou konnen soufrans ak risk moun sa yo ki tou vilnerab ap fè fas kare, kote yo pa jwenn sèvis preliminè yo tankou manje ak swen sante. Dènye frap yo ak sèn vyolans yo rive afekte menm espas pou moun resevwa asistans, sa a ki oblje kèk ajans ak òganisayon travay nan move kondisyon sekirite epi ki riske. Òganizasyon Nasyonal ak Entènasyonal manm CLIO yo pa bese bra, yo kontinye asiste nan fason yo kapab kominote ki vilnerab kriz la afekte nan pòtoprens ak lòt rejyon nan  peyi a.

Ann li rès tèks lan nan lyen sa : klike sou lyen sa silvouplè